Get Adobe Flash player

 

 

ວັນທີ 02 ກໍລະກົດ 2018 ທີ່ຜ່ານມາ, ພະແນກວິທະຍາສາດ ແລະ ເຕັກໂນໂລຊີ ແຂວງວຽງຈັນ ໄດ້ຈັດກອງປະຊຸມ ປຶກສາຫາລືກ່ຽວກັບ ການລົງກວດກາສິນຄ້າແປ້ງນົວກາຈອງ “RACHA CHOOROS” ປອມຢູ່ຕາມທ້ອງຕະຫຼາດພາຍໃນແຂວງວຽງຈັນ, ພາຍໃຕ້ການເປັນປະທານຂອງ ທ່ານ ວິໄລສອນ ຈິງບ່າວໂຮມ ວ່າການຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງວຽງ ຈັນ ເຂົ້າຮ່ວມກອງປະຊຸມໃນຄັ້ງນີ້ ມີ ທ່ານ ພູວຽງ ອິນທະວົງ ອໍານວຍການບໍລິສັດ ພູວຽງ ທີ່ປຶກສາ ການຄ້າ ແລະ ການລົງທຶນ ຈໍາກັດຜູ້ດຽວ ພ້ອມດ້ວຍຄະນະ, ຄະນະກໍາມະການ ຈາກພະ ແນກການທີ່ ກ່ຽວຂ້ອງ ເຊັ່ນ: ສານປະຊາຊົນແຂວງ, ພະແນກເສດຖະກິດ ກອງບັນຊາການ ປກສ ແຂວງ, ພະ ແນກພາສີແຂວງ ,ພະແນກອຸດສາຫະກໍາ ແລະ ການຄ້າແຂວງ ແລະ ພະນັກງານຈາກພະ ແນກວິທະ ຍາສາດ ແລະ ເຕັກໂນໂລຊີແຂວງ ແລະ ເມືອງ ລວມທັງໝົດ 10 ທ່ານ, ທໍາອິດປະທານ ກອງປະຊຸມ ໄດ້ກ່າວຈຸດປະສົງ ຄາດໝາຍ ແລະ ອະທິບາຍກ່ຽວກັບສິດ ແລະ ໜ້າທີ່ຂອງຄະນະກໍາ ມະການຂອງ ແຕ່ລະທ່ານຢ່າງຈະແຈ້ງ; ຈາກນັ້ນ ທ່ານ ພູວຽງ ອິນທະວົງ ອໍານວຍການ ບໍລິສັດ ພູວຽງ ທີ່ປຶກສາການ ຄ້າ ແລະ ການລົງທຶນຈໍາ ກັດຜູ້ດຽວ ກໍ່ໄດ້ຊີ້ແຈງກ່ຽວກັບຈຸດແຕກຕ່າງ ຂອງສິນຄ້າແປ້ງ ນົວກາຈອງ ປອມ ໃຫ້ຄະນະໄດ້ຮັບຊາບ ແລະ ຈໍາແນກໄດ້ລະຫວ່າງຂອງແທ້ ຫຼື ຂອງປອມລອກລຽນ ແບບ.

 

        ໃນການລົງກວດກາສິນຄ້າແປ້ງນົວກາຈອງ “RACHA CHOOROS” ປອມ ຢູ່ແຂວງວຽງ ຈັນ ຂອງ ບໍລິສັດພູວຽງ ທີ່ປຶກສາການຄ້າ ແລະ ການລົງທຶນຈໍາກັດຜູ້ດຽວ ໃນຄັ້ງນີ້ ໄດ້ກວດພົບເຫັນ ສິນຄ້າແປ້ງນົວກາຈອງປອມ ຈໍານວນ 132 ຖົງ ລວມ 43.250 ກຣາມ (ສີ່ສິບສາມພັນສອງຮ້ອຍຫ້າ ສິບກຣາມ) ຢູ່ຕະຫຼາດ ເມືອງກາສີ, ຕະຫຼາດ ເມືອງວັງວຽງ, ຕະຫຼາດ ບ້ານນາມອນ ແລະ ຕະຫຼາດ ເມືອງຫີນເຫີບ; ສ່ວນຢູ່ຕະຫຼາດ ໂພນໂຮງ ແລະ ຫຼັກ 52 ແມ່ນບໍ່ປາກົດເຫັນ.

 

       ສະນັ້ນ, ວຽກງານການກວດກາສິນຄ້າລະເມີດເຄື່ອງໝາຍການຄ້າ, ວຽກງານສະກັດກັ້ນການຜະ ລິດ ແລະ ຈໍາໜ່າຍສິນຄ້າແປ້ງນົວກາຈອງ “RACHA CHOOROS” ປອມ ຢູ່ຕາມທ້ອງຕະຫຼາດ ພາຍໃນແຂວງວຽງຈັນ, ກໍ່ເປັນວຽກງານໜຶ່ງທີ່ສໍາຄັນເພື່ອປົກປ້ອງຜູ້ຊົມໃຊ້ ແລະ ປົກປ້ອງສິດຂອງ ຜູ້ ຜະລິດ ທີ່ຖືກຕ້ອງຕາມລະບຽບກົດໝາຍ, ເພື່ອເປັນການບໍ່ເອົາລັດເອົາປຽບເຊີ່ງກັນ ແລະ ກັນເຮັດ ໃຫ້ສັງ ຄົມມີຄວາມເປັນລະບຽບຮຽບຮ້ອຍ ແລະ ຍຸຕິທໍາ.

 

 

ຂ່າວ ແລະ ຮູບ: ນາງ ສອນໃຈ ສາລີທອງນິດ

 

ຂະແໜງເຕັກໂນໂລຊີ ດີຈີຕອນ

 

 

ເວລາມາດຕະຖານ

ຈຳນວນຜູ້ເຂົ້າຊົມ

120547
ມື້ນີ້
ມື້້້ວານນີ້
ອາທິດນີ້
ອາທີດແລ້ວ
ເດືອນນີ້
ເດືອນແລ້ວ
ຈຳນວນຜູ້ເຂົ້າຊົມ
87
89
244
119719
1782
2955
120547

Your IP: 10.10.10.254
2018-07-17 12:15

ແຜນທີ່