Get Adobe Flash player

ໜ່ວຍຮາກຖານຊາວໝຸ່ມ ພະແນກວິທະຍາສາດ ແລະ ເຕັກໂນໂລຊີ ແຂວງວຽງຈັນ ໄດ້ຈັດກອງປະຊຸມໃຫຍ່ຄັ້ງທີ II ຂຶ້ນ ໃນວັນທີ 03 ຕຸລາ 2017, ພາຍໃຕ້ການເປັນປະທານ ຂອງ ທ່ານ ຄຳສາຍ ສຸມຸນທອງ ເລຂາໜ່ວຍພັກ, ຫົວໜ້າ ພະແນກ ວິທະຍາສາດ ແລະ ເຕັກໂນໂລຊີ ແຂວງວຽງຈັນ ແລະ ສະຫາຍ ຄຳເລ້ ໄຊຍະວົງສີ, ຄະນະພັກ, ຮອງເລຂາ ຄະນະບໍລິຫານງານຊາວໝຸ່ມ ແຂວງວຽງ ຈັນ, ປະທານກວດກາຄະນະບໍລິຫານງານຊາວໝຸ່ມ ແຂວງວຽງຈັນ, ເຂົ້າຮ່ວມ ກອງປະຊຸມໃຫຍ່ຄັ້ງນີ້ ສະມາຊິກຊາວໝຸ່ມທັງໝົດ 17 ສະຫາຍ, ຍິງ 09 ສະຫາຍ, ມີບັນ ດາທ່ານແຂກທີ່ຖືກເຊີນ ຮາກຖານກໍາມະບານ, ໜ່ວຍສະຫະພັນແມ່ຍິງ ພວຕ, ໜ່ວຍຊາວ ໝຸ່ມພະແນກການອ້ອມຂ້າງຕຶກ 120 ແມັດ ແລະ ສະມາຊິກຊາວໝຸ່ມ ພາຍໃນພະແນກ ກໍ່ໄດ້ເຂົ້າຮ່ວມອົບອຸ່ນກອງປະຊຸມຄັ້ງນີ້ ຢ່າງ ພ້ອມພຽງ.

          ກອງປະຊຸມໄດ້ຮັບຮອງເອົາ ບົດລາຍງານການເມືອງສອງພາກເຊິ່ງສະເໜີໂດຍ: ສະຫາຍ ສີພອນ ຂຸນຄໍາພັນເລຂາໜ່ວຍ ຮາກຖານຊາວໝຸ່ມພະແນກ, ທີ່ຍົກໃຫ້ເຫັນຜົນງານທີ່ຍາດມາໄດ້ໃນໄລຍະ 05 ປີຜ່ານມາ, ພ້ອມທັງໄດ້ ຕີ ລາຄາຈຸດດີ, ຈຸດອ່ອນ, ຂໍ້ຄົງຄ້າງບົດຮຽນທີ່ຖອດຖອນໄດ້ ແລະ ຜ່ານທິດທາງແຜນການໃນຕໍ່ໜ້າເຊິ່ງຍົກໃຫ້ເຫັນເຖິງ ຜົນງານ ການຈັດຕັ້ງປະຕິບັດວຽກງານ ຂອງໜ່ວຍຮາກຖານຊາວໝຸ່ມໃນພະແນກ ຖືເອົາວຽກງານສຶກສາອົບຮົມການ ເມືອງ-ແນວຄິດ ເປັນກົກຕິດພັນກັບການປະຕິບັດ ວຽກງານ ວິຊາສະເພາະຢູ່ແຕ່ລະຂະແໜງ ເປັນຕົ້ນແມ່ນການເອົາໃຈ ໃສ່ຢ່າງເຂັ້ມແຂງໃນການນໍາພາ ສະມາຊິກຊາວໝຸ່ມ ຈັດຕັ້ງປະ ຕິບັດຂໍ້ແຂ່ງຂັນ 4 ບຸກ ຂອງຊາວໝຸ່ມ, ໃຫ້ສາມາດຮັບ ຮອງເປັນໜ່ວຍຊາວໝຸ່ມ 4 ບຸກ ຮອບທີ II ແລະ ຮອບທີ III ໃນຕໍ່ໜ້າ.

          ໃນກອງປະຊຸມ ໄດ້ປ່ອນບັດຄັດເລືອກເອົາ ຄະນະຮາກຖານຊາວໝຸ່ມ ພະແນກວິທະຍາສາດ ແລະ ເຕັກໂນໂລຊີ ແຂວງ ວຽງຈັນ ຊຸດໃໝ່ເຊິ່ງເລືອກເອົາ ສະຫາຍ ສີພອນ ຂຸນຄໍາພັນ ເປັນເລຂາໜ່ວຍ, ສະຫາຍ ນາງ ລາວະດີ ແກ້ວ ຈອມສີ ເປັນຮອງໜ່ວຍ ແລະ ສະຫາຍ ເສດຖາ ກິ່ງສະດາ ເປັນຄະນະ.

          ໃນຕອນທ້າຍ ໄດ້ຮັບຟັງຄຳເຫັນຈາກ ສະຫາຍ ຄໍາເລ້ ໄຊຍະວົງສີ, ຄະນະພັກ ຮອງເລຂາຄະນະບໍລິຫານງານ ຊາວໝຸ່ມ ແຂວງວຽງຈັນ, ປະທານກວດກາ ຄະນະບໍລິຫານງານຊາວໝຸ່ມ ແຂວງວຽງຈັນ, ທ່ານ ໄດ້ສະແດງຄວາມຊົມ ເຊີຍຕໍ່ຜົນງານ ແລະ ຜົນສໍາເລັດຂອງ ກອງປະຊຸມຄັ້ງນີ້: ພ້ອມທັງເໜັ້ນໜັກໃຫ້ບັນດາສະມາຊິກຊາວໝຸ່ມ ພາຍໃນພະ ແນກຮັບຮູ້ຄວາມໝາຍ ຄວາມສໍາ ຄັນ, ພາລະບົດບາດ, ສິດ ແລະ ໜ້າທີ່ໃຫ້ບັນດາຄະນະຮາກຖານຊາວໝຸ່ມຊຸດໃໝ່ ແລະ ສະມາຊິກທຸກຄົນຈົ່ງພ້ອມກັນເອົາໃຈໃສ່ ສຶກສາອົບຮົມການເມືອງ-ແນວຄິດ, ເຊື່ອມຊຶມແນວທາງນະໂຍບາຍ ຂອງພັກ, ກົດໝາຍຂອງລັດ ແລະ ກົດລະບຽບຂອງ ຄະນະ ຊາວໝຸ່ມ ປະຊາຊົນ ປະຕິວັດລາວຢ່າງເລິກເຊິ່ງ ສືບຕໍ່ຈັດ ຕັ້ງປະຕິບັດ ຂໍ້ແຂງຂັນ 4 ບຸກ ຂອງຊາວໝຸ່ມ, ເຮັດໃຫ້ໜ່ວຍຮາກຖານ ຊາວໝຸ່ມ ພະແນກວິທະຍາສາດ ແລະ ເຕັກໂນ ໂລຊີ ແຂວງວຽງຈັນ ໃຫ້ໄດ້ເປັນໜ່ວຍຊາວໜຸ່ມ 4 ບຸກຮອບທີ II ແລະ ຮອບທີ III ໃນຕໍ່ໜ້າພ້ອມກັນຈັດຕັ້ງປະຕິ ບັດວຽກງານ ຄະນະຊາວໝຸ່ມ ປະຊາຊົນ ປະຕິວັດລາວ ໃຫ້ເຕີບໃຫຍ່ ຂະຫຍາຍຕົວຂຶ້ນໄປ ເລື້ອຍໆ.

z02

 

 width=

 

 

ຮູບພາບ ແລະ ບົດຂ່າວໂດຍ: ຂະແໜງເຕັກໂນໂລຊີຂໍ້ມູນຂ່າວສານ, ພວຕ.ຂວຈ

 

ເວລາມາດຕະຖານ

ຈຳນວນຜູ້ເຂົ້າຊົມ

118118
ມື້ນີ້
ມື້້້ວານນີ້
ອາທິດນີ້
ອາທີດແລ້ວ
ເດືອນນີ້
ເດືອນແລ້ວ
ຈຳນວນຜູ້ເຂົ້າຊົມ
104
149
731
116716
2308
6537
118118

Your IP: 10.10.10.254
2018-06-22 16:12

ແຜນທີ່