Get Adobe Flash player

ໃນວັນທີ 7-9 ສິງຫາ 2017 ທີ່ຜ່ານມາ, ພະແນກວິທະຍາສາດແລະເຕັກໂນໂລຊີ ແຂວງວຽງຈັນ ໄດ້ເປີດກອງ ປະຊຸມ ບັ້ນດຳເນີນຊີວິດການເມືອງ ປັບປຸງປົວແປງ ພາຍໃນໜ່ວຍພັກ ພະແນກວິທະຍາສາດແລະເຕັກໂນໂລຊີ ແຂວງວຽງ ຈັນ ເຊິ່ງໄດ້ດຳເນີນມາເປັນເວລາ 3 ວັນ, ໂດຍການເປັນກຽດເຂົ້າຮ່ວມຂອງສະຫາຍ ພັນເອກ, ປະລິນຍາ ເອກ ທອງເຄນ ບຸນໝັ້ນຄະນະປະຈຳພັກແຂວງ, ຄະນະຮັບຜິດຊອບຊີ້ນຳບັ້ນດຳເນີນຊີວິດການເມືອງ ປັບປຸງປົວແປງພັກ ແຂວງວຽງຈັນ, ມີສະຫາຍຄຳສາຍສຸມຸນທອງເລຂາໜ່ວຍພັກພະແນກວິທະຍາສາດແລະເຕັກໂນໂລຊີ ແຂວງວຽງຈັນ, ພ້ອມດ້ວຍຄະນະ ແລະ ສະມາຊິພັກທັງໝົດ 13 ສະຫາຍ, ຍິງ 6 ສະຫາຍ, ສຳຮອງ 3 ສະຫາຍເຂົ້າຮ່ວມ.

  width=

ດ້ວຍຄວາມຮັບຜິດຊອບສູງ ຂອງຄະນະໜ່ວຍພັກ, ສະມາຊິກພັກທັງໝົດ ເຮັດໃຫ້ບັ້ນດຳເນີນຊີວິດການເມືອງ ຄັ້ງນີ້ ມີບັນຍາກາດຟົດຟື້ນ ແລະ ປະສົບຜົນສຳເລັດຢ່າງຈົບງາມ.ບັ້ນດຳເນີນຊີວິດການ ເມືອງປັບປຸງປົວ ແປງພາຍໃນ ໜ່ວຍ ພັກພະແນກວິທະຍາສາດ ແລະ ເຕັກໂນໂລຊີ ແຂວງວຽງຈັນ ຄັ້ງນີ້ ໄດ້ພ້ອມກັນເຊຶ່ອມຊຶມເອກະສານເດັດດ່ຽວ ປັບປຸງປົວ ແປງພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ,ໄດ້ສັງເກດຕີລາຄາການນຳພາ ຈັດຕັ້ງປະຕິບັດວຽກງານ ຮອບດ້ານ ຂອງ ໜ່ວຍພັກ ພະແນກວິທະຍາສາດ ແລະ ເຕັກໂນໂລຊີ ແຂວງວຽງຈັນ ເຊິ່ງບັ້ນດຳເນີນຊີວິດການເມືອງຄັ້ງນີ້ ສາມາດຈຳແນກ ໄດ້ດ້ານອ່ອນ-ຂໍ້ຄົງຄ້າງບາງດ້ານ ໃນການຈັດຕັ້ງປະຕິບັດ ວຽກງານ ຂອງໜ່ວຍພັກດັ່ງກ່າວ, ເຊິ່ງຄະນະໜ່ວຍພັກ ຈະຕ້ອງ ໄດ້ພ້ອມກັນຕັດສິນໃຈແກ້ໄຂໃຫ້ໝົດໄປໂດຍໄວ ແລະ ເດັດຂາດ, ເຊີດຊູບົດບາດການນຳພາ ຂອງພັກໃຫ້ສູງ ເດັ່ນຂຶ້ນ ແລະ ມີຄວາມໄວ້ເນື້ອເຊື່ອໃຈຈາກສະມາຊິກພັກ, ພະນັກງານ ແລະ ປະຊາຊົນບັນດາເຜົ່າ ໃຫ້ນັບມື້ດີຂຶ້ນ ເປັນ ກ້າວໆ. ພິເສດ ບັ້ນດຳເນີນຊີວິດການເມືອງຄັ້ງນີ້ ຍັງໄດ້ທາບທາມ ຄວາມເຊື່ອໝັ້ນ ໄວ້ວາງໃຈຕໍ່ຄະນະບໍລິຫານງານ ພັກແຂວງວຽງຈັນ ອີກ ດ້ວຍ.

          ໃນຕອນທ້າຍ ຍັງໄດ້ຮັບຟັງຄຳເຫັນໂອ້ລົມ ຂອງ ສະຫາຍ ພັນເອກ, ປະລິນຍາເອກ ທອງເຄນ ບຸນໝັ້ນ ຄະນະ ປະຈຳພັກແຂວງ, ຄະນະຮັບຜິດຊອບຊີ້ນຳ ບັ້ນດຳເນີນຊີວິດການເມືອງ ປັບປຸງປົວແປງພັກ ແຂວງວຽງຈັນ ທີ່ມີເນື້ອໃນສຳ ຄັນທີ່ສຸດ, ມີລັກສະນະວິທະຍາສາດອັນເລິກເຊິ່ງ ເປັນເຂັມຊີ້ທິດເຍືອງທາງ ໃຫ້ແກ່ຄະນະໜ່ວຍພັກ, ສະມາຊິພັກເຊິ່ງ ສະ ຫາຍໄດ້ຊີ້ນຳໃຫ້ຄະນະໜ່ວຍພັກ, ສະມາຊິພັກທັງໝົດ ຈົ່ງເພີ່ມທະວີຄວາມເອົາໃຈໃສ່ ຍົກສູງບົດບາດໃນການນຳ ພາຂອງ ພັກ, ສ້າງຄວາມເປັນແບບຢ່າງນຳໜ້າຂອງສະມາຊິກພັກ, ເພີ່ມທະວີການສຶກສາອົບຮົມ ທາງດ້ານການເມືອງ-ນຳພາແນວ ຄິດ, ຍົກລະດັບທິດສະດີການເມືອງ, ຈັດຕັ້ງເຊື່ອມຊຶມແນວທາງນະໂຍບາຍຂອງພັກ, ມະຕິຄຳສັ່ງຂອງຂັ້ນເທິງ, ກົດລະ ບຽບຂອງພັກ, ກົດໝາຍຂອງລັດຢ່າງເລິກເຊິ່ງ, ພ້ອມດຽວກັນນັ້ນ ກໍ່ໃຫ້ສືບຕໍ່ປັບປຸງປົວແປງພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ, ຄົ້ນຄວ້າຈັດຕັ້ງຜັນຂະຫຍາຍເນື້ອໃນຈິດໃຈ ຂອງມະຕິກອງປະຊຸມໃຫຍ່ ຄັ້ງທີ V ຂອງອົງຄະນະພັກ ແຂວງວຽງຈັນ ໃຫ້ປະກົດຜົນເປັນຈິງ ຕາມຈຸດປະສົງລະດັບຄາດໝາຍຢ່າງແຂງແຮງ ແລະ ຕັດສິນໃຈແກ້ໄຂບັນດາປະກົດ ການຍໍ້ທໍ້ຕ່າງໆ ໃຫ້ໝົດໄປ.      

ຮູບພາບໂດຍ: ພວຕແຂວງວຽງຈັນ

ເວລາມາດຕະຖານ

ຈຳນວນຜູ້ເຂົ້າຊົມ

118141
ມື້ນີ້
ມື້້້ວານນີ້
ອາທິດນີ້
ອາທີດແລ້ວ
ເດືອນນີ້
ເດືອນແລ້ວ
ຈຳນວນຜູ້ເຂົ້າຊົມ
127
149
754
116716
2331
6537
118141

Your IP: 10.10.10.254
2018-06-22 16:19

ແຜນທີ່